ठिबक व तुषार सिंचन (पोकरा अंतर्गत)

नानाजी देशमुख  कृषि संजीवनी प्रकल्प- ठिबक व तुषार सिंचन-

अ ) लाभार्थी निवडीचे निकष-

1. शेतकरी यांचेकडे सिंचनाची सुविधा उपलब्ध असावी. सामुहिक सिंचनाची सुविधा उपलब्ध अस्ल्यास इतर संबंधितांचे करार पत्र आवश्यक.

2.उपलब्ध सिंचन स्तोत्रातील पाण्याचा विचार करुन तेवढ्या क्षेत्रासाठी सूक्ष्म सिंचनाचा लाभ देय आहे.

3.विद्यूत पंपा करिता कायम स्वरुपी जोडणी आवश्यक.

4.ज्या पिकाकरीता संच बसविण्यात येणार आहे त्या पिकाची नोंद 7/12 च्या उतार्यावर क्षेत्रासह असावी. 7/12 उतारावर नोंद नसल्यास कृषी पर्यवेक्षक यांनी पिक लागवडीचे प्रमाणपत्र द्यावे.

ब) अर्ज कुठे करावा - 

इच्छुक शेतकऱ्यांनी  https//dbt.mahapocra.gov.in या संकेत स्थळावर ऑनलाईन नोंदणी व अर्ज करून आवश्यक कागदपत्रे अपलोड करावी. 

पूर्व संमती प्राप्त झाल्यानंतर  60 दिवसाच्या आत कृषि विभागा कडील नोंदणी कृत वितरक यांचे कडून सूक्ष्म सिंचन संच खरेदी करावा व उभारणी करुन कार्यान्वीत करावा. 

कंपनी प्रतिनिधी व त्यांचे वितरकाने तांत्रिक दृष्ट्या योग्य आराखड्या प्रमाणे संच बसविण्याची कार्यवाही करावी. संचातील घटक हे केंद्र शासनाने विहित केलेल्या BIS दर्जाचे असणे बंधनकारक आहे.     

  

क)आवश्यक कागदपत्र- 

7/12, 8अ, आधार कार्ड, बँक पास बुक, मोबाइल क्रमांक, पाणी व मृद तपासणी अहवाल, कंपनी प्रतिनिधीने तयार केलेला सूक्ष्म सिंचन आराखडा व प्रमाणपत्र, 

ड ) अनुदान - 

1) अल्प/अत्यल्प शेतकरी यानां 80 टक्के व इतर शेतकरी याना 75 टक्के. 

2) विद्युत पुरवठा, चारी खोदणे,ओवर हेड टैंक, इंजीन/विद्युत पंप, पैनेल, विद्युतिकरणाचे काम इ .बाबीं करिता येणारा खर्च लाभार्थ्याने स्वत: करावा.सदर आनुषंगिक बाबीं साठी अनुदान अनुज्ञेय असणार नाही.

3) देय अनुदान मिळणे साठी लाभार्थीने ऑनलाईन मागणी करावी व पाणी व मृद नमुने तपासणी अहवालासह विक्रेते/वितरक यांचेकडील बिलांची देयके स्वस्वाक्षांकित करुन ऑनलाईन अपलोड करावीत.

3) फिटींग्स व अक्सेसरिज मध्ये टी, एल्बो, रिड्युसर, फिमेल/मेल थ्रेडेड अडाप्टर, ऐंडकेप, नट बोल्ट सह फ्लँग्स, सर्वीस सेडल, बेंड , जिआयएन निपल, टालफैन टेब, पिव्हिसी सेंट्रल जॉइंट इ .बाबींचा खर्च एकुण खर्चा मध्ये समाविष्ट आहे. त्याप्रमाणे प्रत्यक्ष संच उभारणी साठी साहित्य वापरा प्रमाणे बिले घेण्यात यावीत.

ड)क्षेत्र मर्यादा-  5 हे. पर्यंत लाभ. 

इ) ठिबक संचासाठी मापदंड/हे. - 

1.5x 1.5 मी - 97245 रु,

1.2x 0.6 मी - 127501 रु. 

5x 5 मी - 39378 रु. 

6x 6 मी - 34687 रु. 

10x 10 मी - 26181 रु.  

ई ) तुषार संचा साठी मापदंड- 

75 मिमी पाइप करिता रु.24194/-

63 मिमी पाइप करिता रु. 21588/-                                     

                            

सर्वसाधारण सुचना- 

1. वितरकां कडून शेतकरी यांना देण्यात येणारे बिलाच्या सर्व प्रतीवर शेतकरी/प्रतिनिधीच्या स्वाक्षरी घेउन प्रत मिळाल्याची शेतकरी यांची नावासह स्वाक्षरी घेणे बंधनकारक आहे.

2. उत्पादक कंपन्यांना त्यांचे स्वत:चे दरपत्रक लागू करण्यास आणि त्यानुसार बिलींग करण्यास मान्यता आहे. त्यामुळे वितरक शेतकरी यांना ठिबक/तुषार संच खरेदीचे जे बिल देतील त्या बिलावर प्रत्यक्ष दराबरोबरच कंपनीने शासनास कळविलेले दर सुद्धा नमुद करणे वितरकांना बंधनकारक आहे. जेणेकरुन शेतकरी यांना कंपनीचे मुळ दर ही अवगत होतील.

3.शेतकरी यांच्या शेतावर कंपनीमार्फत बसविलेल्या ठिबक सिंचन संचाच्या घटकामध्ये 3 वर्षाच्या कालावधीत काही उत्पादन दोष आढळून आल्यास तो सुस्थीतीत करुन देण्याची (performance warrantee) जबाबदारी वितरक/विक्रेता व कंपनीची राहिल.

4.तीन वर्षा पर्यंत विक्री पश्चात सेवा देणे कंपनीवर बंधनकारक राहिल. लाभार्थी शेतकरी यांना सूक्ष्म सिंचन संचा मध्ये उत्पादन दोष/कार्यक्षमते संदर्भात काही तक्रार अस्ल्यास शेतकरी यांना तक्रार करता यावी याकरिता वितरकाने माहिती पुस्तकाबरोबर टोल फ़्री क्रमांकही उपलब्ध करुन देणे बंधनकारक राहिल.

5.तुषार सिंचन संचाचे पाइप चे जोडावर, फिमेल पार्ट वर एम्बोसींग करुन पुढिलप्रमाणे मजकुर लिहावा- "शेतकरी नाव, गाव, संच बसविल्याचे वर्ष व सूक्ष्म संच उत्पादक कंपनी". सदर चा मजकुर वितरकाकडून संच हस्तांतरीत करण्या पुर्वी कोरुन टाकण्यात यावा.

                                           

अधिक माहिती करिता मार्गदर्शक सूचना