शेततळे अस्तरीकरण (पोकरा 2.0 अंतर्गत)
नानाजी देशमुख कृषि संजीवनी प्रकल्प -
अ) योजनेत कोण सहभागी होऊ शकतात -
५ हेक्टरपर्यंत जमीन धारणा असलेले शेतकरी
लाभार्थीच्या मालकीच्या जमिनीत कोणत्याही शासकीय योजने अंतर्गत अथवा स्वत: खोदकाम करण्यात आलेले इनलेट आउटलेट विरहित शेततळे अस्तित्वात असणे अस्तित्वात असणे अनिवार्य आहे.
सदर शेततळ्याचे आकारमान किमान १५ x १५ x ३ मी.आवश्यक आहे.
यापूर्वी कोणत्याही शासकीय योजनेतुन शेततळे अस्तरीकरण या घटकासाठी अनुदान घेतलेले नसावे.
ब) अर्ज कुठे करावा-
इच्छुक शेतकऱ्यांनी https//dbt.mahapocra.gov.in या संकेत स्थळावर ऑनलाईन नोंदणी व अर्ज करून आवश्यक कागदपत्रे अपलोड करावी.
क ) खर्चाचा मापदंड काय व अनुदान किती मिळेल -
इतर लाभार्थी- खर्चाच्या ५० टक्के, कमाल ७५००० रु. अनुदान
अजा/अज प्रवर्गातील लाभार्थी-खर्चाच्या ९० टक्के, कमाल ७५००० रु. अनुदान
शेततळे अस्तरीकरणासाठी प्लास्टिक शीट ५०० मायक्रॉन रुपये ७७/- प्रति चौरस मीटर व शीट बसविण्यासाठी रुपये १८/- प्रति चौरस मीटर याप्रमाणे एकूण रुपये ९५/- प्रति चौरस मीटर असा खर्चाचा मापदंड आहे
अस्तरीकरणासाठी BIS Standard Reinforced HDPE GeoMembrane IS १५३५१ :२०१५ TypeII या दर्जाची फिल्म वापरणे बंधनकारक आहे.
तालुका कृषि अधिकारी यांचेकडून पूर्वसंमती प्राप्त झाल्यानंतर १५ दिवसाच्या आत काम सुरु करावे व २ महिन्यात काम पूर्ण करणे आवश्यक आहे.
शेततळे अस्तरीकरणासाठी लागणारी फिल्म नोंदणीकृत उत्पादक व वितरक यांचेकडून खरेदी करणे बंधनकारक आहे.
नोंदणीकृत उत्पादक व वितरक यांची यादी तालुका कृषि अधिकारी कार्यालयात मिळेल.
अस्तरीकरणाचे काम पूर्ण झाल्यावर प्रकल्पाच्या डीबीटी पोर्टलवर ऑनलाइन अनुदान मागणी करावी.
ड ) अधिक माहिती करिता
मार्गदर्शक सूचना दिनांक २८-१०-२०२५