पंप संच व पाईप (पोकरा 2.0 अंतर्गत)
नानाजी देशमुख कृषि संजीवनी प्रकल्प टप्पा-२ -
अ) अर्ज कुठे करावा -
इच्छुक शेतकऱ्यांनी https//dbt.mahapocra.gov.in या संकेत स्थळावर ऑनलाईन नोंदणी व अर्ज करून आवश्यक कागदपत्रे अपलोड करावी.
ब ) लाभार्थी पात्रता -
१. अनुसूचित जाती व जमातीतील ५ हेक्टर पर्यन्त जमीन धारणा असलेले शेतकरी. लाभ कुटुंबातील एकाच व्यक्तीला देय आहे.
२. ज्या शेतकऱ्यांकडे सिंचनासाठी पाणी उपलब्ध आहे, परंतू पाणी उपसा साधन नाही अश्या शेतकऱ्यांना लाभ देय.
३. पाणी उपसा साधन असलेले तसेच या घटकाचा इतर कोणत्याही योजनेतून लाभ घेतलेल्या शेतकऱ्यांना लाभ देय नाही.
४. शेतकऱ्यांनी त्यांच्या पसंतीनुसार निश्चित तांत्रिक निकषानुसार खुल्या बाजारातून अधिकृत विक्रेत्याकडून पंप संच व पाईप खरेदी करणे आवश्यक आहे. .
५ .तालुका कृषि अधिकारी यांनी ऑनलाईन पूर्व संमती दिल्यानंतर ३० दिवसाच्या आत पंप संच व पाईप खरेदी करून डीबीटी पोर्टलवर अनुदान मागणी करावी .
६. अनुदान मिळणेसाठी सेवा पुरवठादार संस्थेकडील देयके शेतकऱ्याने स्वतःचे स्वाक्षरी करून ऑनलाइन अपलोड करणे आवश्यक आहे.
७. सदर घटकाचा लाभ घेतल्यापासून त्याचा किमान ५ वर्ष वापर करणे आवश्यक आहे..
क ) अर्थसहाय्य किती मिळेल -
१. पंप संचकरीता (विद्युत पंप / डिझेल इंजिन १० एच पी पर्यंत)-
आर्थिक मापदंडाच्या किंवा प्रत्यक्ष खर्चाच्या ९० टक्के, कमाल रु. ४०००० अनुदान. आयएसआय मानांकीत विद्युत् पंप संच खरेदी करणे आवश्यक. मोनोब्लॉक किंवा ओपनवेल सबमर्सिबल इलेक्ट्रिक पंप संच खरेदी करता येईल. BIS मानांकीत डिझेल पंप संच खरेदी करणे आवश्यक
२. पाईप करिता (अनुदान - HDPE-मापदंड -१०० रु/मी. /PVC- मापदंड -७० रु/मी./HDPE laminated-मापदंड -४० रु/मी. )-
आर्थिक मापदंडाच्या किंवा प्रत्यक्ष खर्चाच्या १०० टक्के, कमाल रु. ३०००० अनुदान.
वरील तीन प्रकारच्या पाइपपैकी कोणत्याही एका प्रकारच्या पाईपसाठी लाभ घेता येईल.
शेतकऱ्यांना त्यांच्या पसंतीनुसार ६३ एमएम, ७५ एमएम, ९० एमएम व्यासाचे पाईप घेता येतील.
आयएसआय मानांकीत पाईपची शेतकऱ्यांनी त्यांच्या पसंतीनुसार खरेदी करावी.
पाईप खरेदी केल्यानंतर शेतकऱ्यांनी प्रत्येक पाईपवर शेतकऱ्याचे नाव, प्रकल्पाचे नाव व वर्ष टाकणे (Embossing ) बंधनकारक आहे.
ड ) पंपसंच व पाइप या दोन्ही घटकांचा लाभ एका वेळी घेता येईल का-
होय.
अधिक माहितीकरिता
मार्गदर्शक सूचना दिनांक २८-१०-२०२५