पोकरा अंतर्गत बिजोत्पादन करणे साठी अनुदान-
पोकरा अंतर्गत पायाभूत व प्रमाणित बियाण्यांचे बिजोत्पादन करण्यासाठी अनुदान-
लाभ कोण घेऊ शकतात-
शासकीय, सहकारी, निमशासकीय संस्थांच्या किंवा शेतकरी उत्पादक कंपनीच्या बिजोत्पादन कार्यक्रमांतर्गत सहभागी शेतकरी तसेच थेट बीज प्रमाणीकरण यंत्रणेकडे नोंदणी करुन बिजोत्पादन कार्यक्रम घेणारे शेतकरी.
शेतकरी यांचे कडे आवश्यक संरक्षित सिंचन स्त्रोत उपलब्ध असणे गरजेचे आहे.
कोणत्या बाबींसाठी अनुदान मिळेल-
1. पैदासकार/पायाभूत बियाण्याची किंमत ( बियाण्याची किंमत ही संबंधीत वर्षाकरीता महाबिज ने निर्धारीत केलेल्या किमतीनुसार परिगणित करण्यात येईल.)
2. पायाभूत/प्रमाणित बियाणे उत्पादना साठी बीज प्रमाणीकरण यंत्रणेने आकारलेले शुल्क (नोंदणी शुल्क,तपासणी शुल्क इ.)
अनुदान किती मिळेल-
वरील दोन बाबीं वरील प्रत्यक्ष खर्चाच्या 100 टक्के किंवा कमाल रु. 15000 प्रती हेक्टर इतके अनुदान मिळेल. एका खातेदारास कमाल 10 हेक्टर बिजोत्पादन क्षेत्र मर्यादेपर्यंत कमाल रु.1.5 लाख अनुदान मिळेल.
अर्ज कुठे करावा-
अर्ज https://dbt.mahapocra.gov.in या संकेत स्थळावर ऑनलाईन करावा.
ऑनलाईन अर्जासोबत अपलोड करावयाची कागदपत्रे-
1. 7/12 उतारा
2. प्रपत्र-4 मध्ये शेतकरी यांचे हमी पत्र( उत्पादित बियाणे स्वत: च्या जबाबदारी वर विक्री करण्याबाबत)
3. बीज प्रमाणीकरण यंत्रणे कडे केलेली नोंदणी.
ऑनलाईन केलेल्या अर्जांना मान्यता कोण देइल-
ग्राम कृषी संजीवनी समिती मंजुरी देइल. त्यानंतर उपविभागीय कृषी अधिकारी हे पुर्वसम्मती देतील(बीज प्रमाणीकरण यंत्रणेकडे केलेली नोंदणी हाच मुख्य निकष विचारात घेउन).
पुर्व संमती नंतर बियाणे उत्पादक यंत्रणे च्या /संस्थेच्या मार्गदर्शनानुसार शेतकरी यांनी पैदासकार/पायाभूत बियाणे खरेदी करुन प्रत्यक्ष उत्पादन कार्यक्रम राबवावा.
पेरणी नंतर कृषी सहाय्यक हे बिजोत्पादन क्षेत्राची पाहणी करतील(प्रपत्र-5).
अनुदान मागणी कशी करावी-
बिजोत्पादक शेतकरी यांनी समूह सहाय्यक/कृषी सहाय्यक यांच्या सहाय्याने अनुदान मागणी ऑनलाईन पद्धतीने करावी व खालील कागदपत्रे अपलोड करावीत-
1. पैदासकार/ पायाभूत बियाणे खरेदी पावतीची मुळ प्रत.
2. बीज प्रमाणीकरण यंत्रणे कडे शुल्क अदा केल्याच्या पावतीची मुळ प्रत.
3. कृषी सहाय्यक यांचा प्रक्षेत्र पाहणी अहवाल.
अनुदान कसे मिळेल -
अनुदान थेट लाभार्थ्याच्या बँक खात्यात डीबिटी प्रणाली द्वारे वर्ग करण्यात येते.